Mar ya pynlait im ya uwa mut u noh yap, chah thaap boonsien ha uwa pynlait im

Related posts

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Da wai ya ka Square Society ka wow pait ya kiwa duna hei doh i pran wa ki khonswet

November 2, 2025

Ha iwi i Video wa da poor bha ha ki Social Media, uwi uwa khwe dakha da yoo wa taan u ya uwi u bru napoh ka wah Gomti wa em ha Sultanpur, Uttar Pradesh wei hadien ini da thaap u oo boonsien dei chrai.

Pynharood ini ha u paya ka yingkieñ wa riñ ya ini iwa jia, da em kiwi won kiwa khwe dakha kiwa yarap ya kawi ka kynthai.

Katkam ka khubor, kini ki chi jur kiwa da ya imlang kam ki chi kurim da kynthiar ki na ka yingkieñ dei thmu wow noh yap iwa da jia ha ka tayaaw wa dep ha ka 13 tarik tangwa da yoh wow pynlait im ki da kiwa khwe dakha kiwa em ha kani ka wah.

Kini kiwa khwe dakha kiwa da ye wow pynlait im ya kini ki ar ngut da mih won i chrai ya ini wa leh ki hadooh wa poi chei chah thaap.

Ini waroh da man i iwa sñiawsih wei iwa yoo wyrai wa da jia i heijooh i por da pynchrai ya kini kiwa lai yarap katwa kiwa sakhi won da yoo chutia ki.