Subroto Cup: Da pyndep ya ka Quarter Final ka U-15 Boys wa U-17 Girls ha East Jaiñtia

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa ynru ynne deiwa pynman san tylli ki yalehke Quarter Final kiwa le tylli ki U-15 Boys wa ar tylli ki U-17 Girls.

U-15 Boys

Ka Step By Step Secondary School da jop ko ya ka Sham Sham Secondary School da 5-0 lyngba ki kool wa thap u Euface Makhon haka minit wa 10, u Kevinson Dkhar ha ka minit wa 11 wa 45 wa u Ferdinand Tariang ha ka minit wa 25 wa 35.

Ka Khliehriat Presbyterian Higher Secondary School da jop ko da 3-1 ya ka Byndihati Secondary School deiwa yachut Tie-Breaker hadien wym em wa yoh u thap kool.

Related posts

Hei wa san yoh ka East Jaiñtia, ka West Jaiñtia hei wa phra ha ka State Archery Championship 2026

August 13, 2026

2nd Division EJHDFA: Jop ka Iapmala, ka Tuber Kmaichnong wa ka Moolamanoh

August 13, 2026

Ka Wapung HS School da jop ko ya ka Lotus Secondary School Dienshynrum da 3-0 da ki kool wa thap u Nikormi Rymbai ha ka minit wa 16, u Mekerlang Ryngkhlem ha ka minit wa 44 wa u Jefanson Dkhar ha ka minit wa 54.

U-17 Girls

Ka Musniang Secondary School da jop ko ya ka Khliehriat HS School da 2-1 deiwa yachut Tie-Breaker hadien wym em kiwa yoh u thap kool.

Ka Dkhiah East Secondary School da jop ko ya ka Sham Sham Secondary School da 1-0 lyngba ka kool wa thap ka Amethis Darnei ha ka minit wa 40.

Kamtæ ha U-15 Boys da psiah Semi Final ka Khliehriat Presbyterian Higher Secondary School, ka Wapung Higher Secondary School, ka Step By Step Secondary School waka KB Memorial Secondary School

Ha ka U-17 Girls da psiah Semi Final ka Dkhiah East Secondary School, Ka Musniang Secondary School, ka Lumchyrmit UP School waka Lotus Secondary School.