Deiwa kyrchaan ka VPP ya u Saleng tæ chah jied u kam u Chief Whip, ong u Speaker

U Speaker ka yung dorbar chna aiñ ka jylla, u Thomas A Sangma da pyntip u wa da i daw wa tipmit ya u MLA ka Gambergre, u Saleng A Sangma kam u Chief Whip ka liang pyrchah hapoh ka yung dorbar toh hadien wa da yoh yei thoh na u President ka Voice of the People Party (VPP) uwa da kyrchaan ya u Saleng wow man kam u Chief Whip.

Hawa klam ynne ka sngi, u Thomas da ong u wa toh ha kani ka yurim wa da tipmit ya u Saleng kam u Chief Whip katwa ya u Ronnie V Lyngdoh da tipmit kam uwa yahkhmat ka Liang Pyrchah ha ka yung dorbar.

U Speaker da ong u wa hajrong kani ka chithi kawa da yoh pdiang na u President ka VPP, da chim wa ka VPP kyrchaan ko ya ka Congress hapoh ka yung dorbar, wei da chim u ya ka rai wow tipmit ya u Ronnie kam uwa yahkhmat ka liang pyrchah wa ya u Saleng kam u Chief Whip.

“Deiwa pynchong yurim hajrong ini, da chim i wa ka Congress da yoh ko yei kyrchaan na ka VPP kawa em 4 ngut ki MLA wei waroh da em 9 ngut ha ka liang pyrchah wa kynthup ya 5 ngut na ka Congress”, da ong u Speaker.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Saleng uwa jop kam u MLA na Gambegre na ka Congress, da ieh noh u yei man MLA hadien wa jop u kam u MP ka Tura ini wa dep.

Hajrong i duna MLA ka Congress hadien wa da ieh noh u Saleng, u Speaker da ong u wa daw bichaar chwa ya kani ka kaam.

Kam wow kdaw heini wa ka Congress wa TMC da jop ki mar 5 ngut ki MLA ynnin u snem tangwa u Speaker da tipmit u ya u MLA ka Congress, u Ronnie V Lyngdoh kam uwa yahkhmat ka Liang Pyrchah katwa ka u Saleng A Sangma kam u Chief Whip hadien wa da yoh pdiang ya ka chithi na ka VPP wow kyrchaan ya u Saleng ya ini i kaam.