Ka NEET-PG Entrance Examination, kawa da toh u pynman mynstep ka 23 tarik, da hap wow pynpep noh ka chipor wei ini da jia i hadien wa boon i artatien ya i rukom pynman ya ki Entrance Exam hapoh ka ri.
Kani ka Entrance Exam toh kawa pynman da ka National Board of Examination ya kiwa lai pure Doctor of Medicine (MD), Master of Surgery (MS), PG Diploma, Diplomate of National Board (DNB), Doctorate of National Board (DrNB) wa NBEMS Diploma.
Ha i pynbna na ka Ministry of Health ynne da ong wa man ko kam chibynta wow lait chooh chooh nei chah pyntngit ka NEET-PG Entrance Examination wei da rai leh wow pynman yei thooh bniah yow pyntikna wa waroh u man ko kawa khooid.
Da pyntip leh wa ya ka tarik wa thymme daw pynbna won hadien wei da paan maap leh na kiwa pynkhreh ya kani ka Exam tangwa da ong wa da leh yeini deiwa pyrkhat yei bha i miat yong ki.
Kani da man ko ka Entrance Exam wa ar wa da pynpep ha kani ka tayaaw hadien wa pynpep ya ka UGC-NET ha ka 19 tarik deiwa em wa lait tooh ki Question Paper najrong wa da joor i pynbaad wym em khooid i pynman ya ka National Eligibility-cum-Entrance Test (Undergraduate) leh kamjooh.
Discussion about this post