Deiwa kit da ka kymmor ya kawa punkhon wa da em hei maa lait nei jia wa sñiawsih

Hei step synyaaw ka 20 tarik uni u bnai heipor kamwa 2:30, kawi ka manbei wa punkhon wei kawa da em leh hei maa wa mih snaam ko syndet neidaw wa em i thut ha ka munu khon (Placenta Previa), da yoh yarap ko na kiwa chong chnong ka Umjakoit, West Khasi Hills kiwa da pynemkaam da ka kymmor yow kit ka na chnong ki iwa ym em lait sarok.

Kani ka kynthai kawa da toh u kha khon ha ka 27 tarik uni u bnai, da sdang ko wow em hei maa hadien wa jia ini, tangwa deiwa smat ka Lamlynti Lyngkhoi, kawa man ka ASHA kani ka chnong kamjooh ki bor ka chnong, kiwa ha-yung kamjooh ka Village Health Council da ya thooh laad ki kammon wow yarap ya kani ka bru yow lait nei jia wa sñiawsih.

Kamtæ da rai smat ki wow kit ka deiwa song ha ka kymmor yow pynman kam ka Stretcher wei da rah ka hadooh wa poi cha sarok wa da em kawi ka kari Pick-Up kawa da ya pynbait ki yow kit ka.

Kani ka kari man ko leh kam chibynta ka Chief Minister’s Safe Motherhood Scheme yow yarap ya ki kynthai wa punkhon wei da pynyang da ka Village Health Council wei ini i chnong toh iwa jngai 26 Km na Myriaw PHC, wei u sarok leh man u uwa sih.

Related posts

Sdang i phah pyntipmit ya kiwa chongwai ha ki 16 tylli ki dong ka Shillong

November 24, 2024

Hadooh 2 snem u kset ya kiwa pynemkaam da ki khynnah wow kreh

November 24, 2024

Ya kani ka kynthai da kit ka hadooh wa poi cha Tirot Sing Memorial Hospital, Mairang wei neini won da phah ya ka cha Ganesh Das Government MCH Hospital, Shillong, heiwa da pooid ka yow pynkha khon.

Neiliang ka Lamlynti Lyngkhoi da yarap ko leh hadooh wow e snaam ya kani ka manbei.

Ini waroh da man ko kam ka nongmuna yei myntoi manda ya krehlang wei deiwa chimkhia waroh kiwa embynta.