U Montri Rangbah ka jylla, u Conrad K Sangma hawa klam ynne ka sngi heiyatoh wa ka samoi lehkmen heiwa ka sorkar leh e kyrchaan ko cha kiwa pynman tamasa.
Da ong u, “Ha kani ka samoi lehkmen da em i ya ka Cherry Blossom Festival, LitFest, Gospel Concert wa kiwi de heiwa da em kiwa kylli ya nga ileh ka sorkar da e kyrchaan ko wow pynman ya ki Gospel Concert. Nga da ong O ya ki wa hapoh ka Constituency yong nga da em ka lehkmen dap 100 snem ka Chhath Puja wei ya kani leh nga e yarap poisa O. I ym em leh i wow yachah cha kawon kawon ka niam, i em i heini yow kyrchaan ya ki bru yong i deiwa embynta hei lehkmen ki.”
Da ong u wa lada toh ka Balang Presbyterian, ka Balang Baptist næ ki Bihari kiwa lehkmen ya ka Chhath Puja, næ ki Durga Puja Committee, neiliang ka sorkar da e kyrchaan ko khlem da leh chiliang.
“Kamni lehkmen i khlem da lehchiliang da paitchiliang deiwa e ka jooh ka laad ya waroh ki jait niam,” da ong u Conrad.
Da e nongmuna u wa ha ka Meghalaya Pavilion da tem leh ki sur Gospel ha ki sngi Sunday neibynta ki Tourist wei kam ka ri kawa khlem yachah chiliang da leh yeini deiwa burom ya waroh.
Discussion about this post