Kiwa chong chnong ka Nartiang da pynsñiaw ki yei pyrchah wa joor wa da pynwiar noh yei pyrtuid ka Nartiang kam kawi na ki MDC Constituency ka JHADC heini wa phiah Constituency wa katni.
Hawa yaklam u Secretary ka Dorbar Chnong Nartiang Pyllun, u Sati Swer wa kiwa thoh khubor ynne heipor wa pynman ya ka Public Hearing da ka Delimitation Committee ha Jowai, da ong u wa ki dadep ki wow thoh cha ka Committee yeiwa pyrchah ki tangwa ym em ap wei ym em chmikhia ko yeini.
Da ong u wa ka Nartiang Constituency toh kawa da bna wei kawa hakhmat dooh tangwa kattæ da wiar i pyrtuid wei da pyrchah yeini najrong wa phiah ar liang ya ka chnong ka thaw heiwa ka Dong Iawmulong, Nartiang dapoi ko cha kawi tawon ka Constituency katæ ka Moodop-Umladang Constituency wei kiwi ki chnong dapoi ki cha ka Mynso-Nonjngi Constituency.
Wei da ini u Waheh Chnong da em u cha Moodop-Umladang Constituency katwa kiwa chong chnong won cha Mynso-Nongjngi Constituency.
Kamtæ da ong wa lada lai chakhmat daw dam ki u chimbynta ha ka MDC Election wei lada emkaam daw lai cha ka yung bichaar yow pyrchah yeini.
Discussion about this post