Chem ka HNYM wa em da ka Society wa e Transit Challan neibynta ki masi ki mooid | Lai booh pyntip ha u DC

Ka seiñ Hynniewtrep National Youth Movement (HNYM) ynne ka sngi da lai booh ko dei thoh ha ka yung krehkaam u Deputy Commissioner ka West Jaiñtia Hills wow pyrchah joor yei chalan tooh ya ki masi, ki mooid cha Bangladesh da ki kattu katni ngut ki bru kiwa chim kabu wow pynlai yaaw ya kini du neibynta i myntoi samen yong ki.

Neiliang u President ka HNYM Jañntia Region, u Bartis Pajuh wa u Secretary, u Mechan Dkhar da ong ki wa man-ka-miet da em bait ki Truck kit masi, kit mooid kiwa lai na u sarok ka West Jaiñtia Hills chadooh Bangladesh wei ka seiñ da pyntikna ko leh wa em chiboon ki sakhi ki sabut heiyatoh wa kini kiwa pynlai tooh ya ki masi ki mooid cha Bangladesh.

Ka seiñ da ong ko wa neiliang u Deputy Commissioner ka West Jaiñtia Hills District da ong u wow chimkhia ya kani ka kaam.

Related posts

Dang boon ki MLA wa MDC ki wow psiah cha ka BJP daw chim rai ha ka 15 tarik: Rikman

November 9, 2026

Ha u SP ka East Jaiñtia Hills lai booh FIR ka KSU pyrchah ya kiwa rah wait

November 9, 2026

Hei chem ka HNYM da em kawi ka seiñ kawa tip kam ka Caringhands Multipurpose Co-Operative Society Ltd, Pdengshakap wa e ko ki Transit Challan neibynta ki masi ki mooid wei kiyi wa e bor lada ymtoh kani man ko kawa pyrchah aiñ? da kylli ka seiñ.

Khaddooh ka seiñ e por ko san sngi ya kani ka Society wow pyndam noh ya kini ki Challan lym kamtæ ka seiñ daw chim ko da kawi won ka luti kawa rap eh.