Yow lai bait ka Behdieñkhlam ka Raij Tuber, da kyrriah yei thaw kiwa wan chongdai

Ka Dorbar Chnong, Tuber Kmaishnong kawa man leh ka Headquarter yong ka Seiñ Raij Tuber dei ya krehlang waka Seiñ Raij Tuber da khang ki ya ki bru wa jooh wan chongdai harood sarok pohchnong waroh kawi iwa mut nadooh i liang wa em u Mot U Woh Tep Kyndait wa chapoh chnong leh wei da booh noh da ki thaw ya kiwa wan dai ha madan wa em harood sarok pohchnong ha i thaw wa jooh pteiñ rong ki chnong bri yong ka thaaiñ Phangneiñ.

Kamtæ da kyrpaad ya waroh kiwa jooh wan chong yaaw wow sñiawbha phi u bood yeiwa pynlai ka Dorbar Chnong wei lada chem ya kiwon kiwon kiwa leh pyrchah, ka dorbar chnong u him ko katkam ki kyndon chnong.

Ha kini ki thaw wa chah u chongdai kiwa wan dai yaaw, daw booh leh da ki Signboard kamjooh leh ha ki thaw wym chah u chongdai.

Ki daw wa pynman ya ka dorbar chnong u him ko ya kani ka rai toh kawa nyngkong hi kamwa da tip hi wa ka lehniam Behdieñkhlam yong ka Seiñ Raij Tuber, HQ Tuber Kmaishnong jooh wan ki rong kamwa 65-75 tylli man-u-snem, kamtæ heipor wa wan kini ki rong da em leh kiwa ksoh wa taan pather kamwa soo ngut ha kawi ka rong, wei lada em kiwa chongdai harood sarok man ko kawa wit bha ya kini kiwa ksoh tylle pather u lai wei ha kini ki sngi wa kattæ ha kini ki thaw wa jooh chongdai kiwa wan dai yaaw harood sarok dadep chna lut da ki Footpath wei lada wan chong dai yaaw harood surok man ko leh kawa pynkhynnia bha ya uni u sarok kamjooh ya kiwa lai wa wan, ki bru wa wan paitke cha kani ka Behdieñkhlam manda em wa chongdai harood sarok næ ha ka Footpath iwa daw booh hei maa ya ki paidbah khamtam heipor wanrah rong wa daw khynnia bha u sarok iwa ye u poi chadooh ka takha tadan lada jia wa oor wa pat wa haap ka rong.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Kamtæ ymtoh wa yoobeiñ yei dai yei theid tangwa da em ki thaw wa da booh kyrpang ya phi wow sñiawbha phi u ya bood ryntih yei pynlai yong ki VDP chnong ha katai ka sngi pynkut ya ka Behdieñkhlam ha kani ka 19 tarik khnang wow lait u em iwon iwon i awri awra hapoh chnong hapoh thaw.

Lada em leh na pyrdi ki para wa jooh chong yaaw ha kani ka sngi ki wym sñiawthooh wow sñiawbha u yaklam wa u Waheh Chnong næ u General Secretary ka Chnong.

Da ngait skem wa daw bood ryntih yei rukom pynlai yeini i wan chong yaaw ha ka sngi pynkut Behdieñkham.