HNLC pait chwa ya ki kaam wa nga kreh O dep tæ kylli kiwon wa maya jaitbru, ong u CEM

U Chief Executive Member (CEM) ka Khasi Hills Autonomous District Council (KHADC), u Pyniaid Sing Syiem da ong u ya ka Hynniewtrep National Liberation Council (HNLC) wow thooh bniah chwa ya ki kaam wa da kreh u hachwa wow pynbaad wa oo toh uwa chet ya ka jaitbru.

U CEM da ong u ya kini ki kyntien hapoh ka dorbar lyiur yong ka KHADC, hawa jubab hajrong ki kynrum kynram wa da mih hapoh ka Hima Sohra wa i yoh tipmit ya ka Raid ka Majai, khamtam hadien wa ka District Council da tuklar ko ya ki kynrum kynram kiwa mih neibhah wa yoh dulir ki baar jylla hapoh ka thaaiñ Majai.

ADVERTISEMENT

U Pyniaid da pyntip u hapoh ka dorbar wa da chah maham u ha ka HNLC wym toh u tuklar yei kaam wa yatoh waka Majai, heiwa da ong u leh ya ka HNLC wa lada thooh chwa ko yei sakhiat wei lada maham ki leh ym sñiaw u iyi iyi wot hadooh wa chah khut kam uwa chet ya ka jaitbru.

U CEM da ong chooh chooh u wa ka HNLC toh u pait ko ya ki kaam kiwa ka Executive Committee da kreh ko wei heitæ i por daw kylli kiyi wa rap maya jaitbru.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa yatoh wa ka Executive Dorbar yong ka Hima Sohra, u Pyniaid da pyntip u wa ka District Council da e por ko hadooh ka 15 tarik uni u bnai wow pynuiñ ya ki kot ki sla hawa yatoh wa ki dulir (Original) wa e thaw ya ki baar jylla hapoh Majai.