Phah ka MHRC ya u SP wow khana bniah yeiwa jia chah dat kiwa kreh mylla ha JN Stadium

Ka Meghalaya Human Rights Commission (MHRC), Shillong da chim ko dei bor yong ka hi wow phah ya u Superintendent of Police, East Khasi Hills wow phah ya ka Report wa bniah hapoh ar tayaaw yow khana heiyatoh wa i chah dat kiwa kreh mylla iwa da jia ha ka 9 tarik uni u bnai.

Kini ki bru wa chah dat toh kiwa kreh yow pynchna ya ka JN Stadium, Polo heiwa ynnin da mih ka khubor wa ki dkhot ka KSU da psiah ki cha kani ka madan wei da sdang ki wow dat ya kiwa wan kreh mylla heini heipor wa kynreh ya ki kot ki sla ki.

Kani ka madan man ko leh kawa daw pynman ya ka Durand Cup ha uni u snem wei kini kiwa kreh da em boon ngut kiwa kreh ha kani ka madan kam chibynta wow pyndep yei kreh heipor wa biang.

Ha ini wa jia da wan leh u Magistrate deilang wa ki pulit hadien wa tip wa jia ini.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024