Ki dkhot ka KSU da pteiñ ki yei lai kynreh ya ki kot ki sla kiwa kreh mylla kiwa wan na baar jylla heiwa ynne ki dkhot ka West Jaiñtia Hills da chem ki ya 88 ngut ki wym biang ki kot ki sla.
Ha Umladkur ha i thaw wa chna ya ka Eklavya Model Residential School (EMRS), da chem ki dkhot ka War Jaiñtia 55 ngut ki baar jylla ki wym biang ki kot ki sla wei da em leh kiwa da Register waka chnat Labour tangwa manda khut yei pyrtuid ki, ym em ki ha ini i thaw heiwa da suba joor wa da em i leh kyndeh.
Neidaw wa kani ka thaw da jaan ko cha khappood, da suba leh wa ye u em kiwa na Bangladesh kiwa wan kreh mylla neibhah ka EPIC leh ym em ki kamjooh ka Aadhaar.
Sa iwi i thaw wa yoh u lai kynreh kot toh ha Shapung heiwa da chem ya 33 ngut ki wym biang ki kot ki sla wei da phah liwan ki.
Neiliang ki dkhot ka seiñ da ong ki wa hanla kem ka sorkar ki leh ym tieñ ki wei ym sangeh ki wow leh yeini i kynreh kot kat wym pu pynkrehkaam ya ka MRSSA waka ILP.
Puræ leh: Da booh mooyurim yow chna yaka Residential School ha Umladkhur kawa T. 45 klur
Discussion about this post