Ka Jaintia Institute of Technology (JIT), Jowai ha ka 16 tarik uni u bnai da pynman ko ya ka yalang pynkup burom ya ki 90 ngut kiwa da pyndep yei chah sikai neibynta kiwa kreh mistri wa em hapoh ka Thadlaskein Block.
Kani ka e sikai kawa 2 bnai kawa tip leh kam ka Rural Masonry da pyman ha ar tylli ki chnong kitæ toh ha Wahiajer wa Tyrchang kiwa haap hapoh ka Thadlaskein C&RD Block, West Jaiñtia Hills Meghalaya.
Ya kani ka e sikai wa mynkna da pynman hapoh ka Skills Meghalaya wei da kyrchaan poisa leh da ka MSSDS.
Ha kani ka pynkup burom da emlang u Bankitbor Marwein, Managing Director ka JIT uwa da pynlai ya kani ka yalang pynkup burom deiwa emlang u F.B. Basan, MCS (Addl. DC) PD DRDA Jowai uwa man leh kam u kongsan, u L. Suchen, SDO MSSDS West Jaiñtia Hills kam u symbood kongsan deiwa sakhi leh ka Phidalangki Lyngdoh, Agriculture Development Officer (Thadlaskein Block) I/c BDO wa kiwi tawon.
Kini kiwa da pyndep yei chah sikai da yoh ki leh wa ki tiar ki tar kreh mistri wa kynthup ya ka Bosch Professional Angle Grinder waka Bosch Professional Impact Drill.
Discussion about this post