I chah rah noh kamwa 10 ngut ki dkhot ka HNYF ha ki pulit ynne ka sngi na Umtyngngar toh deiwa pynngat mukotduma hi da ki pulit næ ka Suo Moto Case, wei ya kini ki dkhot ka HNYF da booh kattæ ha Sadar Police Station, Shillong.
U Superintendent of Police ka East Khasi Hills, u Sylvester Nongtnger da ong u wa neiliang kiwa wan uiñke suwari ym em ujor ki iyi iyi pyrchah ya ki dkhot ka HNYF kiwa da pynsangeh ya ki kari ha Umtyngngar yow lai cha ki thaw uiñke suwari kam cha thaaiñ Sohra wa Dawki.
Tangwa da pyntip u wa hadien wa ki pulit dapoi ki ha katai ka thaw da chem ki wa ki dkhot ka HNYF da lai ksoh ki pyrchah ya ka aiñ ya kiwa wan uiñke suwari iwa da pynman hi ya ki pulit wow chim noh da ka Suo Moto Case.
Kam wow pynkynmoo wa ynne i step, ki dkhot ka HNYF da ksoh lut ki ya ki kari Assam ha ka thaaiñ Umtyngngar, wei ini i khang ka HNYF ya ki kari Assam toh neidaw wa pynbaad wa kini ki kari da lai ki katwa mon khlem da em kyndon yei wan yah ki ya kiwa wan uiñke wei neiliang ka seiñ da dawa ko na ka sorkar wow wanrah da ka Policy yow pynrkhiñ yei lai laitlooid ki kari kiwa na baar kiwa wan kit ya kiwa uiñke suwari.
Discussion about this post