Neiliang u Labour Commissioner ka sorkar Meghalaya da pyntip u wa katkam ka aiñ Meghalaya Identification, Registration (Safety & Security) of Migrant Workers (MIRSS) Act & Rules 2020 da ong wa kiwon kiwon kiwa kreh mylla kiwa wan na baar jylla hap ki wow Register ya idæ wei hap ki leh wow yoh ya ka Registration Card kawa da e hapoh kani ka aiñ katkam ki kyndon. Wei yeini toh u man i bahkhlieh ki Contractor næ kiwa khut kreh kiwa khut da kiwa na baar jylla wei lada ym leh ki yeini daw chah pynchitom ki katkam ka aiñ.
Ki Application yow Register hap wow leh Online deiwa phah cha u Registering Officer ka thaaiñ wa em i thaw kreh kiwa kreh mylla. Ka bai Application man ko Rs. 50 wei kiwa kwah wow leh yeini ye ki wow lai ha ka Website u Labour Commissioner (megle.gov.in) lane ha ka Invest Meghalaya Portal (https://investmeghalaya.gov.in) lane ha ka Meghalaya State Public Service Delivery Commission (https://mspsdc.meghalaya.gov.in/) lane na kiwon kiwon ki Common Service Centre wa kamjooh leh na ki Help Desk wa em ha ki District Labour Office ha kylleiñ ka jylla.
Kaktkam ka MIRSS Amendment Rules, 2026, ki kot ki sla wa emkaam wow pynbiang deilang ka Application man ko kamni:
(a) Voter Identification Card
(b) Driving License Number/Permanent Account Number (PAN)/ Below Poverty Line (BPL) Card/lane kiwon kiwon ki kot ki sla wa e da ka sorkar (lait noh u AADHAR).
(c) Police Verification Report. CCTNS – (Crime and Criminal Tracking Network & Systems) wow e da ka State Police Department ka wow pynemkaam neibynta wow e da ka Provisional Police Verification kat wym pu ye u pyndep ya ka Police Verification da ki pulit wei ymtoh u chimpor palat 30 sngi.
Mar ya mynjur ya ka Application, daw e ya ka Registration Card ka wow krehkaam 179 sngi kawa ye u pynthymme lada ye wow pynhun ya ki kyndon wei hap wow leh yeini 30 sngi chwa wow kut i krehkaam ka Registration Card.
Kiwon kiwon ki Contractor/Employer kiwa leh pyrchah ya ki kyndon ka aiñ ye ki wow chah pynchitom kamni:
(i) Ya kiwa tyngkheiñ kyndon hei sien nyngkong daw toh ki ka kuna wa Rs. 10,000, (ii) hei sien wa ar daw toh kuna Rs. 25,000 (iii) hei sien wa le wa kiwa bood hadien daw hap su hadooh Rs. 1 lak wei ye leh u chah kset 3 bnai deilang ka kuna.
U Labour Commissioner da ong u leh wa em boon kiwa chna thok ya ki Registration Certificates wa ki Acknowledgement Slips kiwa da chem ha kiwa boon ki Check Gate ka jylla wa kiwi de ki thaw wei kiwa chna thok lane kiwa pynkylla pyrchah aiñ ya ki kot ki sla daw chah pynchitom ki hapoh ka Section 336 ka Bharatiya Nyaya Sanhita (BNS).
Discussion about this post