Chongkun ka lehkmen Christmas ha Jowai

Jowai : Ka lehkmen Christmas ha Jowai ynne ka sngi da pyndep ya ka da ka yalai Carol da kiwa boon ki Balang ka Jowai heiwa da ki hajar ki wa ngait ha u Jisu da mih ki yow pynsñiaw ya ka khubor Christmas lyngba ki tanghæng wa kit da ki kari.

Ya ka Carol da sdang hadien wa pyndep ya ka yaseiñ pyrdi sngi heiwa ka Balang Catholic, Balang Jowai, CNI da yalai ki chirup ha kani ka sngi katwa ka Balang Mynthong, Ladthadlaboh wa ka Khimusniang da lai ki jar jiar.

Ka lai Carol da wan chimbynta chynrang wa kynthai, wa heh wa khynnah wei man ko leh kam ka sngi wa yoh u yachem ya ki lok ki jor wa ym jooh yoh laad u yachem kamjooh leh ki khynnah puræ kiwa boon da yohlaad ki wow liwan yung wow emlang wa ki wa ha yung ha sem yong ki.

Ka khut kylliang yow baam ja dih cha da pynman ko ya ka sngi wa yoh u pynyoo yei mynsien maya wei pynchit ko ya manyung ha kylleiñ ka chnong.