Da wai u lai biang ki kari na yingkieñ Dam tangwa deiwa booh kyndon

Ka sorkar Meghalaya da pynbna ko wa da chah biang u lai ki kari (Two-Way) na ka yingkieñ Umiam Dam nadooh ka 30 tarik uni u bnai.

Daw chah chwa nyngkong ya ki kari wa khia hadooh 4 Ton wei daw pyrkhat leh hadien manda yoo hoi u lai ki kari wa rap khia chooh chooh.

Yeini i rai da chim hadien wa da pynman ya ka yalang ka High Power Committee wa khlieh da u Prestone Tynsong deiwa emlang u Chief Secretary, u Montri ka chnat bordiñ, u Abu T Mondal, ka Director General of Police deilang wa u Engineer na IIT Guwahati.

Neiliang u Mondal da pyntip u wa ki pulit daw pait sylli chwa ki ya ki kari neibynta ka 10 sngi, wei ka Public Works Department (PWD) daw pynyieñ khyrdop ko yow khang yei lai ki kari wa kit palat yei khia wa da booh.

Related posts

Da ki tadong pynlang snaam chem ha rood ka wah Myntdu

April 30, 2026

Yoh pynlait ya ka kynthai Khasi kawa dang 16 snem na Bengaluru kawa yut wa uwi u Muslim

April 30, 2026

Ka sorkar jylla da booh bhah ko Rs. 19.9 klur yow chna pynmiat pynchkeh ya kani ka yingkieñ wa kynthup ya Rs. 63 lak yow chna ya ka thaw lai na kani ka yingkieñ.

I sdang khang wow lai du da ki kari khian toh nadooh u Naichiphaw, 2023 wei da sdang u chna nadooh ka 14-12-23 iwa da chimpor hadooh 7 bnai tam u pyndep.