Thoh u Dr. Ricky cha u VC ka NEHU yow pyntikna wa yoh kreh da ki tre chnong ka Meghalaya

U MP ka Shillong, u Dr. Ricky AJ Syngkon da toh u cha u Vice Chancellor ka NEHU, u Prof. Prabha Shankar Shukla yow pyntikna wa ki kreh wa lait ha kani ka skurbah toh u lai ki cha ki jaitbru ri-loom ka Meghalaya.

Da ong u wa ya kani ka skurbah toh kawa da sdang yow myntoi ki paidbah ka North East khamtam kiwa chong chnong ka Meghalaya neibhah kiwi ki jylla da em ki jar jiar ki Central University tangwa da sñiawsih u yoo wa kiwa pynlai ya kani ka skurbah da pyrchang ki wow pyndooh yei bhah kiwa chong chnong ka Meghalaya nadooh ki kaam sikai hanla biang ki kyrdan ki.

Kamtæ da ong heiyatoh wa i thung kreh wa katni ya ki wym toh kiwa sikai (Non-Teaching Staff) da toh u leh da ka NEHU wei ymtoh u phah leh ha kiwi wei toh leh u bood katkam ka Reservation namo ka bhah kreh wa da em hapoh ka jylla.

Chooh chooh da ong wa ka NEHU toh u krehkaam ko katkam ki kyndon ko neibhah ym em uwon uwon uwa ye u leh tam wei kam u khlieh kani ka skurbah toh u pyntikna wa da bood katkam ka aiñ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U MP da ong u leh wa da pyntip cha oo wa em ki khynroo kiwa napoh ka jylla kiwa kwah u wai dukan hapoh ka NEHU tangwa ym em leh iyi iyi heiyatoh wa ini.