Ympu ye u pynsakhiat lada ki 3 ngut ki MLA Congress u psiah NPP ki: PN Syiem

U Working President ka Meghalaya Pradesh Congress Committee (MPCC), u Pynshngaiñ N Syiem da ong u wa hadooh katni ympu ye wow pynsakhiat ya ka khubor wa em 3 ngut ki MLA ka Congress kiwa thmu wow psiah cha ka NPP.

Da ong u wa ka Party daw yasyllok ko wa ki MLA, neibhah hadooh katni da yoo du dang ha ki kattu katni ki laad pathai khubor wei ym em hi pynche ya ini iwa kdaw wa ymtoh iwa sakhiat hadooh wa emkaam wow pynche.

Hajrong i pynbaad wa i thmu wow mih ki MLA toh wa i yajan u President ka MPCC, u Vincent H Pala wa ki heh ka NPP, neiliang u Pynshngaiñ da ong u wa i yajan lok weiyi weiyi hadooh wow ktah ko ya ka Party toh iwa ymye u man neibhah ha ki kaam synchaar khadar ka Congress em ko jar jiar ki yurim.