Ym leh ki paidbah ha ka Election MLA wa MDC kamwa leh ki heipor MP: Metbah

Ka Central Executive Committee (CEC) ka United Democratic Party (UDP) ynne ka sngi da chong bichaar yillu ko yei daw wa pynman ya ka Party wow chah rem tput ha ka Election MP kawa dang dep.

Hawa klam wa ki laad pathai khubor, u President ka UDP, u Metbah Lyngdoh da ong u wa ka rynsan Social Media toh kawa kongsan bha wow saam khubor ha kani ka Election MP kawa dang dep, wei ini da ktah joor ko ya u kyrtong ka UDP, kawa ya krehlang wa ka HSPDP hapoh ka chatri ka Regional Democratic Alliance (RDA).

U Metbah da ong u wa da lai yachem u wa ki paidbah ha ki Constituency wei kiwa boon kiwa kyrchaan da ong ki wa kyrchaan ki ya u kyrtong yong kiwi ki seiñ saaiñ pyrthai tangwa heijooh i por da pyntikna wa ha ka Election MDC næ MLA ym leh ki kamtæ.

Da ong u wa ki bru da ong ki neidaw wym em yaleh u da oo, ki ym kyrchaan ki ya u kyrtong ka RDA wei da kyrchaan ki ya kiwi won ki kyrtong.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U President ka UDP da ong u wa ka Election MDC ym man ko kam ka Election MP wei da khana u wa hanla ym pu tip mynnu ka MDC Election u man ko, tangwa ka Party da pynkhreh chwa ko ha ki Constituency waphær waphær wei da pyntikna wa ki MDC toh u man chwa ki ki kyrtong.

Hajrong ka Election chiteiñ samoi kawa daw man ha Gambegre, u Metbah da ong ki wa ka Party da chaniah ko ha kiwa yahkhmat na Garo Hills wow rai yeini.

Kam i dak wow burom ya uwa yahkhmat wa dang dep khlaad, u Teinwel Dkhar, ka yalang da pynman ko leh yei suki kiaw wa ar minit.