U Montri ka sorkar jylla, u Rakkam A Sangma da ong u wa lada ki Khasi, ki Jaiñtia wa ki Garo kiwa im wa sah ha Bangladesh hap ki wow yut chnong deiwa psiah cha ri India lyngba ka jylla Meghalaya, hap wow yarap ya ki kam ki para bru wei ymtoh i pap wow leh yeini.
Da ong u wa lada toh jia iwon iwon ya ki, ka jylla Meghalaya wa ka Home Ministry toh u yarap ki wow e thaw sah thaw dem ya ki.
Chooh chooh da ong wa hap wow thuh luti kammon wow yarap lada jia wa hap yut chnong ki wei ka sorkar jylla kamjooh ka sorkar pyrdi hap ki wow krehlang.
Da ong u leh wa lada jia kattæ ini, ymtoh i sien wa nyngkong tangwa da jia i nachwa leh wei ka sorkar India da chem bait ko ki laad ki luti wow yarap.
Da pynrap u deiwa ong wa ini daw ktah ko ya ki bru yong i wa em hapoh ka jylla kamjooh kiwa wan chapoh ka jylla tangwa toh won u pyrkhat kammon u yarap kam para bru.
Discussion about this post