La 7 ngut ki nong Bangladesh da yoh kem na khappood wa Meghalaya

Kamwa 11 ngut ki nong Bangladesh da chah kem ki heipor wa mut ki u psiah tooh cha India lyngba u pood na West Bengal, Tripura wa Meghalaya, da pyntip ka Border Security Force (BSF) ynne ka sngi.

Katkam wa man katni dang takit ya ki wei daw e kti noh ya ki cha ki pulit wow leh yeiwa emkaam.

Ka South Bengal Frontier ka BSF kawa em Headquarter ha Kolkata lyngba u Additional Director General (ADG), u Ravi Gandhi, ynnin da booddien u ya i rukom sonteri ha 4,096 km u pood ka India wa Bangladesh wei wow pynkhreh khamtam chwa ka 15 tarik uni u bnai.

Da ong wa mar ar ngut ki nong Bangladesh da kem na khappood West Bengal wa na Tripura katwa kiwi ki 7 ngut toh na Meghalaya.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Deilang wa kini ki 7 ngut wa yoh u kem ha Meghalaya da kem leh ya 2 ngut ki nong India kiwa da yarap ya ki kiwa da yoh u kem ha ka 10 tarik.

U Ravi Gandhi da pyntip u leh wa i yaklam hapyrdi ka BSF wa ka Border Guard Bangladesh (BGB) dang lai i chaaid chaaid wei ynnin da dep khut yachem u wa ki heh ka BSF ka Eastern Command.