Nei sa’uiñ kari lait im ki 5 ngut hadien wa chah ban ka kari wa lai luti ki ha ka Truck

I sa’uiñ kari hawa lai luti toh iwa pynwit pynthut bha yei lai i wan tangwa ini da pynlait im i ya san ngut ki bru.

Ini da jia i ynnin ha ka jylla Karnataka heiwa kawi ka Truck wa kit Container da kylla ko ha u NH-75 hajan ka chnong Barchinahalli, Shiradi deiwa ban snap ya kawi ka kari kamai tangwa da embhah ym em bru hapoh heipor wa jia.

Kiwa em hapoh da mih ki cha lait waroh neidaw wa kawi ka kynthai sa’uiñ ko wei da kwah ko wow mih cha lait yow prai iwa da yarap wow pynlait im ya waroh.

Related posts

Hadooh Rs. 20,000 u su ya kiwa sikai skur wa lai leh Census | Ym ktah ko ya puræ puthi: Prestone

May 7, 2026

Ong ki wow yaleh hadooh wa kut mynsien tangwa ym bien ki wow wan yaklam chaphang ka Reservation Policy: Conrad

May 7, 2026

Kiwa em hapoh wa kynthup ya uwa yah kari toh kiwa chong chnong ka Davanagere wei da lai ki cha Dharmasthala ha ka 9 tarik wei da liwan ki ha ka 10 tarik heiwa ini da jia i heipor 11:30 i step.

Kani ka bru wa tip kam ka Kavya da phah pynsangeh ko ya ka kari heiwa kiwi leh da mih lang ki yow yarap ya ka kamjooh uwa yah kari uwa da mih yow lai jung wei ha ini i por ha khmat yong ki waroh da jia ini wa wan ka Truck kawa da kylla wei da ban ya ka kari ki.