Neiliang yong ka Dorbar Chnong Kyndongtuber, West Jaiñtia Hills da pynsñiaw ko yei sñiawngooh ya waroh ki dkhot yong ka Delimitation Committee yong ka JHADC kiwa da ye u pynbait thymme hadien yong ka Public Hearing yei phiah ya ki MDC Constituency kawa da dep mynjur da ka JHADC ha ka 8 tarik uni u bnai.
Kam wow pynkynmoo wa kiwa chong chnong yong ka Kyndongtuber wa kiwi tawon ki chnong da pynyoo pynsñiaw ki yei wym hun yong ki yei phiah Constituency kamwa da mih ha ka Draft wa nyngkong ha ka Public Hearing kawa da pynman ha District Library Auditorium, Jowai ha ka 9 tarik u Naiynñiaw.
Tangwa hadien ini won manda pynmih won ki ya kawa khaddooh i pynbait da ka Delimitation Committee da kyrriah wei pynlang ya ka chnong Kyndongtuber waroh kawi deiwa pynhaap hapoh ka 9-Mynso Nongjngi Constituency.
Hanlada wym ye wow yoh lut ya waroh ki chnong wa para jan kamwa paan tangwa sñiawkmen wa da pynlang ya waroh kawi ka chnong chithaw don hapoh ka jooh ka Constituency wa kattu katni tylli ki chnong wa em marjan.
Kamtæ da e khublei sñiawngooh ya ka Delimitation Committee.
Discussion about this post