Chah tympiah ki mot sahnaam wa pynyoo yei yarap ka India yow pynyoh laitlooid ya ka Bangladesh 

Hadien wa mih i awri ha Bangladesh wa i chah hiar thma ki khian paaid ha kani ka ri, neiliang u heh ka Congress, u Shashi Tharoor ynne da kyntu u ya u khlieh ka sorkar wa chipor ka Bangladesh, u Muhammad Yunus wow beiñ yei chah tympiah ki mot sahnaam ka Thma Bangla. 

U MP ka Thiruvananthapuram da pynyoo u ya ki dur wa da tympiah kini ki mot sahnaam heipor wa pynrem ya ka Pakistan ha ka Thma Bangla ha u snem 1971.

U Shashi da ong u wa sñiawsih wow yoo wa kini ki mot wa em ha 1971 Shaheed Memorial Complex, Mujibnagar da chah tympiah ki ha kiwa pyrchah ya ka India.

Neiliang u Muhammad Yunus da khut yalang u wa ki Hindu ynne ka sngi wow pyrkhat ya ki kaam wa chaphrang neibynta ka ri wei kammon wow yada ya ki khian paaid. 

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Ini wan i hadien wa mih kiwa ngait niam Hindu ynnin ka sngi wow pyrchah yei chah hiar thma ki khian paaid kam ha ki yung, ki mandir mar ya hiar chuki ka Sheikh Hasina.

Ki paidbah na India da ong ki wa ini da leh yow pynmylliñ yeiwa da jia ha Bangladesh iwa pynyoo yei kaam thombor wa leh ki chipai Pakistan wei kammon yarap ki chipai ka India yow yoh laitlooid ka Bangladesh.