Haap ka 16 snem najrong 6 mala heipor wa chna Reel 

Kawi ka khynnah wa dang 16 snem i rta da haap ko najrong 6 mala heipor wa chna Reel ko neibynta ka Instagram ha Indirapuram, Ghaziabad, UP ynnin ka sngi.

Da ong wa kani ka khynnah da kheiñ ki kjat ko wei da takha ko kajiak wei dang em ko hapyrdi i chah sumaar. 

U ACP ka Indirapuram, u Swatantra K Singh da ong u wa kani ka khynnah da haap ko heipor wa chna Reel ko ha ka Mobile Phone ko wei da tler ko najrong yung na 6 mala heipor kamwa 6:00 waje i janmiet.

Kani ka khynnah wa puræ Class-XI da yieñ ko hajrong kawi ka Stool ha Balcony i thaw wa sah ko heiwa da tlær wei da lait ka Phone ko na kti wei heini i por da pyrchang ko wow kem ya ka Phone hadooh wa haap ko cha wah hajrong uwi u kchu syntu wa em ha tre ini i thaw sah ko.

Related posts

Pynskem ka WJSU ya ka Satpator Sub Circle ka wow pait ya 5 tylli ki chnong

November 24, 2024

Ym em aiñ wa ye u khang ya kiwa chongdai ha Khyndailad, u Paul ym tip u yeini: MGSPHSVA

November 24, 2024

Uni u kchu syntu wa em boon khyndaw bha da yarap u wow lait ko nei mynsoo wa joor bha tangwa kattæ leh da kheiñ ka kjat timun ko wei da mynsoo leh i bynta i khlieh ko.

Ha i Video wa jrong 2:20 minit da yoo wa kani ka khynnah da thiah ko ha madan deiwa yaam wei ong ko wow khut ya ka bei wa u pa ko. Neiliang kiwa yarap da wanrah ki ya ka Ambulance yow kit ka cha thaw sumaar.