Chah kem u Judge warim ka Bangladesh Supreme Court heipor wa mut u wow yut cha India 

U Judge warim ka Bangladesh Supreme Court uwa da chong-ngiah, da chah kem u na Sylhet hajan khappood wa ka India ha ki chipai ka Border Guard Bangladesh (BGB) ynnin i janmiet dei thmu u wow psiah chapoh India.

Ini da jia i hadien wa chah kem u heh ka Awami League, u ASM Firoz na yung yong oo.

Ka BGB Headquarter, da pyntip ko wa da kem ya u Appellate Division Judge ka Supreme Court u Shamsuddin Chowdhury Manik heipor wa pyrchang u wow yut cha India na Kanaighat, Sylhet.

Ha i Video wa da riñ heipor wa chah kem u, da ong u wa em u ya ka British wa Bangladesh Passport deilang wa ki Credit Card na kiwa boon ki Bank wei da yut u napoh ka ri neidaw wa tieñ u wei da em ar ngut ki khynroo kiwa da kular wow yahluti oo cha India deiwa e 15,000 ka poisa Bangla tangwa manda poi ha u pood da dat ki oo wei da tooh ki ya ka Mobile Phone u kawa sy’at dor wei manda kjut u neidaw wa dat ki oo da pynthiah ki oo hajrong ki sla pachor wei da ieh ki oo.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Kam wow pynkynmoo heini wa da mih i awri ha Bangladesh hadien wa haap ka sorkar ka Sheikh Hasina iwa da pynbor ya ka wow yut cha India ha ka 5 tarik uni u bnai.

I yakhih pyrchah sorkar ha kani ka ri da joor bha i heiwa da khlaad hadooh 500 ngut ki bru nadooh u Naiynñiaw iwa da pynbor ya ki chipai wow chimkti ya ka sorkar wei katni won da khlieh ya ka sorkar Bangladesh da u Muhammad Yunus.