Pynche ka Dorbar Chnong Nartiang yei kam chnong u dkhot ka HNLC

Hadien wa da yoo ha ki khubor wa uwi u bru wa tip kam u Equest Langshiang uwa da suba toh u dkhot ka HNLC uwa da chah kem ha ki pulit hajan ka laad Bethany Hospital, Nongpoh wei da kam u yei chnong u na ka chnong Nartiang.

Kamtæ ka chnong Nartiang da pynche paidbah ko wa uni u bru ymtoh uwa na ka chnong Nartiang, wei ha chnong Nartiang ym em ka kur Langshiang.

Hadien wa kylli wa takit da chem wa uni u bru toh uwa na ka chnong Modop wei ka chnong ka beiñ joor ko ya uni u bru uwa ymtip u tang yei chnong yong oo hi.

Chooh chooh ka Dorbar Chnong Nartiang da maham ko wa la dang chem ya kam kini ki bru kiwa pynemkaam bakla yei pyrtuid ka chnong, khamtam ya kiwa chong chnong ka chnong Modop kiwa jooh pynemkaam bakla yei pyrtuid ka chnong Nartiang, ka chnong u chim ko ya i rai wa eh dei wow ujor cha ki bor ka aiñ.

Related posts

Cha Mawlai lai hiar ki pulit yow takit ya kawi heiyatoh wa iwa wiar ka khynnah na Umpling

October 12, 2025

Wiar sa kawi ka khynnah ha Shillong | Mih ki paidbah wow yarap thooh

October 12, 2025

Heijooh i por ka Dorbar Chnong Nartiang ka kyrpaad ko ya ki bor sorkar næ ki pulit wow pyndam ya ka thaw sah u Equest Langshiang kam uwa chong chnong ka Nartiang.

Ini toh i pynche wa phah da ka Executive Committee ka Dorbar Chnong Nartiang.

Puræ leh: Chah kem ki 3 ngut ki dkhot ka HNLC kiwa na West Jaiñtia kiwa thmu wow tympdung Bomb