Sdang biang i awri ha Bangladesh hapyrdi ki ar liang

Wot hadien wa da haap ka sorkar ka Awami League wa yahkhmat da ka Sheikh Hasina ha Bangladesh ha ka tayaaw wa sdang uni u bnai iwa da pynbor ya ki chipai wow thung ya ka sorkar wa chipor, hei miet ka 25 tarik won da sdang biang i awri ha kani ka ri. 

Ini i awri da man i hapyrdi ki khynnah puræ (Students) wa kyrchaan ya u heh chipai u Ansari Vahini wa kiwi hajan Secretariat ka nongbah Dhaka ka ri heiwa da em 40 ngut kiwa mynsoo. 

Ya kiwa mynsoo da kit cha ki thaw sumaar wei iwa phylla toh hanlada hiar chuki ka Sheikh Hasina da sdang biang i yakhih ha kani ka ri wa yabi u pood wa ka ri kamjooh wa ka Meghalaya.

Katkam u khubor Daily Star ka ri Bangladesh da ong wa u Police Camp Incharge (Inspector) yong ka Dhaka Medical College Hospital (DMCH) u Mohammad Bachchu Mia da ong u wa kiwa mynsoo da sdang poi ki cha thaw sumaar nadooh 9:30 i miet. 

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Chooh chooh da ong wa uwi na kiwa pathai khubor wa em ha Dhaka University u Asif Havildar leh da mynsoo u ha ini i jia. 

Da ong leh wa ini i awri da sdang i hadien kamwa ki hajar ngut ki khynnah wa rah lathi da lai ki cha Secretariat wei neiliang kiwa kyrchaan ya u Ansar da sdang yakhih ki deiwa khang ya u sarok wa i thaw psiah cha Secretariat. 

Heijooh i por da ong wa ki khynnah na ka Anti-Discrimination Students Movement da yalang ki ha Raju Murti wow lai paidbah cha Secretariat wei da poi ki ha ini i thaw ha 9:20 i miet wei heini i por da mih i yachoh yadat wei yakdong heiwa da mynsoo waroh arliang. 

Kam wow pynkynmoo wa hadien wa hiar chuki ka Sheikh Hasina, u Mohammad Yunus da chimkti u ya ka sorkar ha kani ka ri hadien wa u Ansar Vahini, u heh chipai da e kti u wow yahkhmat ya sorkar ha kani ka ri da u Mohammad Yunus.