Ynne ka sngi uwi u Power Bank da iñ u hapoh ka lieñsuiñ ka IndiGo kawa hær na Delhi cha Chennai iwa pynman ya ki Pilot wow pynhiar syndet namo Emergency Landing ha Hyderabad.
Kani ka lieñsuiñ da hiar noh ko ha Rajiv Gandhi International Airport, Shamshabad, Hyderabad hadien wa iñ uni u Power Bank uwa em ha thaw booh tiar.
Neiliang ki Cabin Crew da pynemkaam ki da ki Fire Extinguisher wa em hapoh ka lieñsuiñ wow tymplæh yei diñ.
Ki bor pulit ha Airport da pynman ki yei takit hajrong ini i jia.
Discussion about this post