Pynkhreh ka sorkar wow chna ya u sarok Madan Pohkseh-Lakasein

U MLA ka Mowkiaw, u Nujorki Sungoh ynne da kylli u hapoh ka yung dorbar chna aiñ wa lada ka sorkar em ko yei thmu wow chna ya u sarok Madan Pohskeh-Lakasein Road heiwa u Montri wa pait ya ka chnat PWD (Rds), u Prestone Tynsong da jubab u wa hao ka sorkar da pynkhreh ko wow chna ya uni u sarok.

U Nujorki da ong u wa uni u sarok toh uwa emkaam bha uwa pynyabi ya ka East waka West Jaiñtia Hills wei da kylli u leh wa lada ka sorkar da booh por ko mynnu u pyndep u chna ya uni u sarok.

Neiliang u Prestone da jubab u deiwa ong wa kattæ dang leh ya ka Survey wei da yaklam wa ki tre thaw wei mar ya dep u chimkti yei thaw daw pynkhreh ya ka Detailed Project Report (DPR).

U Nujorki da kyntu u wow pynsmat wow leh yeini waroh neibhah uni u sarok daw yarap bha u ya ka khayi pateiñ neibhah ha ka thaaiñ Sumer-Myntriang em boon ki mar pohkhyndaw kam u moochuni.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024