Uwa yahkhmat ka Liang Pyrchah hapoh ka Khasi Hills Autonomous District Council, u Titosstarwell Chyne da beiñ joor u yeiwa klam kynthah u President ka VPP, u Ardent M Basaiawmoit uwa da ong wa ki MDC toh kiwa da kut por namo kiwa da Expired.
U Titos uwa man leh u MDC ka Sohra, da ong u wa i kyntien Expired wa da pynemkaam da uwa yahkhmat ka VPP toh kawa da man palat liam, wei da ktah ko yei sñiaw yong oo samen, neibhah ya kini ki kyntien ha u bru da pynemkaam du manda yap u bru.
Kamtæ da ong u wa ki bru kiwa pynemkaam kam kini ki kyntien e wa u Blai u bichaar u ya ki.
U Titos da ong u wa ki MDC ymtoh ki mar ki mata næ ki dawai wa da thoh tarik kut por, wei da u bru wow pynbna paidbah wa ki MDC da yap ki toh i klam wa cha palat.
Discussion about this post