Ka khubor wa dang yoh chooh chooh heiyatoh wa i iñ ka Truck ynnin ha Umtyra, East Jaiñtia Hills, da pyntip cha ki pulit heipor kamwa 11:40 i step wa em kani ka Truck wa da kop diñ ha u sarok NH-6.
Kamtæ da phah ya ki pulit tympleh diñ ka Fire Service Ladrymbai heiwa da lai ar tylli ki kari cha ini i thaw.
Da lai leh u In-Charge ka Traffic Khliehriat cha kani ka thaw heiwa da chem wa kani ka Truck toh kawa em Number JK-05L-6008 wa yah da u Ishfaq Ahmad Rather uwa na Baramulla, Jammu and Kashmir wei toh kawa wan na Tripura yow lai cha Guwahati wei da kit ko da ki jri (Natural Rubber) iwa da pynman yei diñ wow smat poor i.
Uwa yah kari da khana u wa i diñ da sdang i nadien i thaw chong u hapoh ka Cabin wei da suba toh neidaw wa Short Circuit.
Ha ini wa jia ym em wa mynsoo tangwa ka Truck toh kawa da baam lut plak da i diñ.
Discussion about this post