Ka HITO da thoh ko cha u Montri Rangbah ka jylla, u Conrad K Sangma yow khang yei thmu wow pynman ya ka Gau Dhwaj Sthapana Bharat Yatra ha Meghalaya kawa da thmu wow pynman ha ka 2 tarik u Naichiphaw kam chibynta i dawa wow tipmit noh ya ka masi kam Mother of the Nation wei yow pynpsiah leh hapoh ka Constitution ka India yow khang noh yei choh doh masi.
Neiliang ka HITO najrong wa pyrchah ya ini i thmu, da ong ko leh wa ini toh i pyrchang wow pynchit yei sñiaw ki Christan wa em hapoh ka jylla.
Heiyatoh wa i khang doh masi, da ong wa ki jaitbru Ynñiawtrep deilang ki A’chik toh kiwa da myllien u baam doh masi da ki spah snem wei ini da man ko pyrchah yei hok wa da e ha kiwa chong chnong deiwa khang yei jait baam wa hoi u baam ki.
Chooh chooh da ong wa ini waroh toh iwa kwah wow pynkylla wot ya ka dustir riti ki bru wei lada wan kani ka Yatra yow pynyieñ ya ka lama masi ha ka chnong ka thaw yong i, neiliang ka HITO leh ha ka jooh ka sngi daw pynyieñ ko ya ki lama ki 25 Hima yow dawa yei hok wa da dooh la 75 snem khamtam wow pynkrehkaam ya ka ILP.
Discussion about this post