Pynman yakhih ka VPP deiwa chimbynta u MP wa ki MLA

Ka State Excutive Committee yong ka Voice of the People Party (VPP) ynne ka sngi da sdang ko ya ka yakhih chong kyllaiñ myngngor ha madan Malki, Shillong.

Ini i pynman yakhih ka VPP toh hajrong i wym yoh laad ki MLA ka VPP wow yatai ha yung dorbar ka Assembly wa dang dep pynman hajrong i ku dor ki marbaam mardih.

Hawa klam wa kiwa thoh khubor, u Ardent Miller Basaiamoit da ong u wa i mih yakhih ka VPP toh neidaw wa wot haiden wa ki MLA da rah ki hapoh dorbar yow yatai hajrong i ku dor ki marbaam ha ka jylla Meghalaya tangwa ka yung dorbar ym e laad ko wow yatai wei lada toh wa e laad, ka VPP ym mih madan ko kamni.

U Ardent da ong wa ki MLA ka Liang Pyrchah toh u yoh laad ki rap boon wow yaklam wow yatai ya ki phang wa emkaam dooh ha ka jylla, tangwa da man dei khangtleiñ heiwa yei bynta yong ka Liang Pyrchah da knieh noh da ka Liang Synchaar.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hawa kylli, u Ardent da ong u wa ka sorkar da e daw ko wa i ku marbaam toh neidaw wym em ka luti rel wei ka sorkar toh u pynyoo ko yei yukheiñ namo ka Statistics heiyatoh wa ka bai chong rel wa ka bai kit mar wa kiwi kam kini.

U Ardent da ong u wym tip yei daw wa ku dor syndet ki mar baam hapoh ka jylla ka wym yahaap wa kiwi ki jylla wei ye u man wa em ka khyrdop khrong dan u Syiem, ka District Council wa i yieñ ki pulit ha ki sarok.

Ha iwi won i liang, u Ardent da sñiawkhia u wa ki mar ki warep yong i da hiar dor ki katwa ki marbaam wa wan na baar jylla da ku dor iwa da wanrah yei eh ya kiwa dooh wa duk.

Ha kani ka sngi pynman yahih ka VPP, najrong u Ardent da wan chimbynta u Dr. Ricky AJ Syngkon, MP ka Shillong ki MLA, kiwa kitkaam ka Party ryngkat ki paidbah.