U President ka Voice of the People Party (VPP), u Ardent Miller Basaiawmoit da ong u wa ka VPP ym yahaap ko yei thmu ki Hindu wow pynbna ya ka masi kam ka bei ha ka ri India neibhah ini ye ko wow wanrah won yei sñiaw yaphær niam.
Ka seiñ kiwa ngiat niam Hindu daw pynman ko da ka yakhih wa tip kam ka Gau Pratishtha Andolan wei da pynkreh ki leh wow pynman yei lai paidbah ha Shillong ha ka 2 tarik u Naichiphaw yow dawa pynbna ya ka masi kam ka bei ka ri India, heiwa daw wan leh wow pynyieñ ya ka lama ka masi wei wow dawa leh na ka sorkar pyrdi wow khang noh yei choh doh masi kamjooh i baam doh masi.
Kani ka Rally toh kawa da thmu wow pynman ha waroh ki nongbah ki jylla ka ri.
Neiliang u Ardent da ong u wa ka VPP ka burom ko yei ngait yong kiwi tangwa wow wanrah yeiwa ngiat kiwi yow phah ngait kiwi toh ka wym ye u pdiang.
Kamtæ da ong u wa ka Party daw thoh ko cha ka sorkar wym toh u e laad ya kiwa kam kani ka rukom pyrkhat.
Discussion about this post