Pynku ka sorkar ya ka tulop kiwa kreh 108

Ka Montri ka chnat i chait i khiah, ka Ampareen Lyngdoh ynne ka sngi da pyntip ko wa ka sorkar dadep ko wow pynku ya ka tulop yong kiwa kreh 108 Emergency Services hapoh ka jylla.

Hawa klam wa kiwa thoh khubor, ka Ampareen da khana ko leh wa ka chnat i chait i khiah da pynkhreh ko wow khut Tender thymme neibynta wow pynlai ya ka 108 Emergency Services ha Meghalaya.

Yeini da pyntip ka Ampareen hadien wa yachem ko wa kiwa kreh ka 108 kiwa da wan yachem wow e khublei ya ka sorkar neidaw wa da pynku tulop.

“Najrong wa pynku tulop, ka chnat da chimkhia ko leh ya kiwi ki mat kiwa yatoh wa i krehkaam ki wakreh, ka Policy chim chuti wa ki myntoi wow e cha kiwa kreh heiyatoh wa i chait i khiah ki,” da ong ka Ampareen.

Related posts

Chah pyndam ka jamin ki 7 ngut deilang u waheh chnong heiyatoh wa i yap uwi nei chah dat

January 12, 2026

Kam u Trump wa oo toh u Acting President ka Venezuela

January 12, 2026

Heiyatoh wa ka Tender thymme yow pynlai ya ka 108 Emergency Services ha Meghalaya, ka Ampareen da ong ko wa kattæ da em hei bynta wa khaddooh i khut ya ka Tender thymme.

Ka Ampareen da pynsñiaw ko yei sñiawskem wa iyi wa da maad ha ki snem wa da lai noh, da hikai ko kammon wow pyntikna yow ye u pynlai ryntih ya ini i kaam ha kani ka kynti.