U thung ka sorkar da ka Committee yow pait yei wym chah thung kreh kiwa da pyndep puræ Pharmacist

Ka chnat i chait i khiah ka sorkar jylla daw thung ko da ka Committee wow klieh da u Commissioner Secretary yow pait yei dawa ki khynroo khyllood wa lai puræ Pharmacist napoh ka jylla.

Yeini da pyntip da ka Montri ka chnat i chait i khiah ka Ampareen Lyngdoh.

Hawa klam wa kiwa thoh khubor, ka Ampareen da ong wa ya ka Committee daw khlieh da u Commissioner Secretary ka chnat i chait i khiah, u Joram Beda wei kani ka Committee daw bichaar ko yei dawa ki khynroo khyllood wa lai puræ Pharmacist khamtam hawa yatoh i wym chah thung kreh ki katkam wa emkaam.

Ka Ampareen da khana ko wa kiwa lai puræ Pharmacist da pynsñiaw ki wa hadooh kattæ ka Service Rules ym pu em ko wei ini ye ko wow man iwi na ki dawbah wym chah thung kreh ki katkam ki kyndon ka IPH.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Nga mynjur O yeiwa da pynsñiaw wa da wanrah hakhmat yong nga khamtam hawa yatoh wa i duna ki Drug Inspector hapoh ka jylla. Nga da kular O ha ki wow thooh bniah O hajrong ini,” da ong ka Ampareen.

Ka Ampareen da ong ko leh wa da phah ya ki sahep ka chnat wow thooh bniah hawa yatoh wa ka Council kawa pait ya ki Pharmacist yong ka jylla kawa da em nadooh ki snem 1981 næ 1991.

“Nga da yoh O wow yaklam wa ki khynroo khyllood wa man kam ki Pharmacist, wei emkaam i wow pynsakhiat yeiwa da pynsñiaw ki wei hadien itæ daw rah wow yaklam wa u Montri Rangbah ka jylla,” da ong ko.