U Chief Minister ka jylla, u Conrad K Sangma da ong u wa kiwa kwah wow pynman yei lai paidbah namo ki Rally kamwa kwah ki Hindu ka Gau Pratishtha Andolan yow dawa khang baam doh masi wei wow yada ya ka masi hapoh ka Constitution deiwa pynku kyrdan ka leh kam ka bei ka ri India, chong i ha ki bor District wym ym emkaam wow tuklar da u CM.
Hawa jubab hajrong ini ynne, u Conrad da ong u wa kiwon kiwon kiwa kwah wow pynman Rally næ yalang hap ki wow paan bor, wei i paan bor toh na ki bor District, neibhah da u Chief Minister leh hap u wow paan bor.
Da ong u wa ka NPP kawa yahkhmat ya ka sorkar leh hap ko wow paan bor na ki bor District lada kwah ki wow lai Rally wei da khana u leh wa ha u snem 2008, hawa oo da pynkhreh u wow pynman Rally ha Ampati, u SDO ym em e bor u wei ini toh ka rukom wa ka synchaar khadar krehkaam ko.
Heijooh i por da ong u wa ym em iwon iwon i khang næ i tuklar ya uwon uwon heiyatoh wa i baam i dih yong kiwon kiwon ha kani ka synchaar paidbah.
Kam wow pynkymoo wa ki Hindu ka Gau Pratishtha Andolan da pynkhreh ki wow pynman ya ka Rally ha Shillong ha ka 2 tarik tangwa ka DC da pyntip ko wa ym pu em wa paan bor wow leh yeini hadooh kattæ.
Discussion about this post