Ka sorkar jylla da booh thong ko wow pynmih dan kamwa Rs. 500 klur nei kiad hadien wa da chim ya ka luti wa thymme wow pynkrehkaam deiwa biah da ki QR Code ha ki klong kiad.
U Montri ka chnat Excise ka jylla, u Kyrmen Shylla da ong u wa hadien wa ka sorkar jylla da rai ko wow pynkrehkaam da ka QR Code heithaw ka Hologram, da booh thong wow yoh dan nei kiad ha ka chi snem i wow poi cha ka Rs. 500 klur kawa nachwa kawa Rs. 200-300 klur chi snem.
Ha iwi won i liang, da ong wa ym pu ye wow ong iyi iyi hajrong i pynman aiñ ya ka kiad wa chna tynre neidaw wa da hap wow chna da u khoo wei da ong u wa iwa emkaam toh wow bichaar chwa wei wow puræ bniah chwa ya ini.
Hawa yatoh wa i dor yong i kiad pharæng namo ki Indian Made Foreign Liquor (IMFL), u Montri da ong u wa ki dukan dai kiad ym ye ki wow dai tam yei dor wa da booh wei lada em kiwa dai tam, toh wow ujor cha ka sorkar yow leh ko yeiwa emkaam.
Discussion about this post