3rd Division EJHDFA: Psiah Quarter ka Wapungskur, Ratacherra wa Moopyniein

Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa sdang ya ka Round of 16 deiwa pynman le tylli ki yalehke.

Ha ka yalehke wa nyngkong, ka Ryntihlang SC Brichyrnot da rem ko da 1-3 ha ka Wapungskur SSWO heiwa ya ka Brichyrnot da thap da u Wanki Muksor ha ka minit wa 5 katwa ya ka Wapungskur SSWO da thap da u Wallam Siangshai ha ka minit wa 14, u Langki Suchiang ha ka minit wa 55 wa u Pynshlurmi Siangshai ha ka minit wa 74.

Ha ka yalehke wa ar, ka Ratacherra CSC da jop ko da 7-0 ya ka Umtyra YWSC da ka Hat-Trick na u Gradely Mylliem uwa da thap ha ka mint wa 12, 30 wa 67, u Lutmon Pohshna ha ka minit wa 19, u Heibormi Pohshna ha ka minit wa 33, u Misaial Bareh haka minit wa 75 wa u Brightstar Pyngrope ha ka minit wa 80.

Ha ka yalehke wa le, ka Khliehriat East YWSC da rem ko da 0-1 ha ka Moopyniein SCSO da ka kool wa thap bakla (Own Goal) u Felix Rymbai ha ka minit wa 80+3m.

Related posts

MSL 5: Rem ka Nangkiew Irat ha ka Shkenshynriah hadien wa jop ynñiaw sien

May 14, 2026

U-20 Men’s National Football C’ship 2026: Jop ka Meghalaya sa ya ka Andhra Pradesh

May 13, 2026

Kini ki le tylli ki liang wa jop da yoh ki leh wow psiah cha ka Quarter Final.