Ka Shillong Premier League 2024 daw sdang ko ha ka 16 tarik uni u bnai deiwa em 10 tylli ki liang wow chimbynta wa kynthup ya ka Mawlai SC, Rangdajied United FC, Shillong Lajong FC, Langsning FC, Ryntih FC, Sawmer SC, Nongthymmai SC, Nangkiew Irat SC wa ki ar tylli ki liang kiwa da yoh u ku kyrdan kitæ ka Nongrim Hills SC wa Laitkor SC.
Ha uni u snem, ka OC Blue da wan biang ko wow man kam ka Sponsor heiwa neiliang u President ka SSA, u Banteidor Lyngdoh da pynbna u wa ha uni u snem ka song poisa ya kiwa jop yei naam Champion da ku ko da ar chah kawa dapoi Rs. 6 lak na ka Rs. 3 lak katwa ka liang wa rem Final daw yoh ko Rs. 3 lak najrong wa waroh ki Club daw yoh ki leh ka bhah na ka poisa wa mih neiwa dai Ticket.
Ka SSA ha kani ka samoi daw pynman ko leh ya ki yalehke dei miet deiwa pynche da ki Floodlights wa da em ha ka SSA Stadium ha First Ground.
Ynne da pynyoo paidbah leh ya ka Trophy yong uni u snem deiwa emlang ki 10 ngut ki Captain.
Neiliang ka OC da pynsñiaw ko yei kmen wow yoh biang u embynta ha ka Shillong Premier League yow pynku ya ka yalehbol hapoh Meghalaya deiwa yooluti wow ye u pynmih ya u khloor yalehbol bol ka ri India da uwa na Shillong, da ong u Vineet Grover, Sales Director – East for Allied Blenders and Distillers, kiwa chna ya ka OC Blue.
Discussion about this post