Ynne ka sngi u slap wa joor da pteiñ u wow dat ha ki thaaiñ ka Garo Hills heiwa da em i chlai um kamjooh i oor khyndaw, i chah rah ki yingkieñ wa kiwi ha kylleiñ ka thaaiñ.
Da em leh le ngut kiwa da dooh yei mynsien yong ki nei oor khyndaw wei kini waroh toh kiwa da jia ha West Garo Hills.
Kiwa yap kynthup ki ya ka Santa N Marak (57 snem) na chnong Koinabui, u Miardo P Marak (5 snem) na Sorokpara wa ka Sarika M Marak (18 snem) na Kharongngre.
Da em leh 3 ngut kiwa mynsoo wei ya kini da kit cha Hospital wow yoh ki yei chah sumaar.
Neiliang ki bor sorkar da pyntip ki wa daw pteiñ u slap wa joor khamtam ha West Garo Hills hapoh 24 kynta, kawa da yoh ko palat 204mm u slap ha kini ki 24 kynta wa da lai.
Katkam wa man katni neiliang ka sorkar da phah ko ya ki SDRF na ki District wa na Shillong cha Garo Hills kamjooh leh da paan yarap na ki bru ka NDRF wa em ha Guwahati.
Discussion about this post