Jowai : Kamwa jooh man khlieh snem ka miet yong ka 31 Kmaichonglad, man ko ka miet kawa kyrpang yong ki bru ym du ha Jowai tangwa ha kylleiñ ka pyrthai neibhah man ko ka miet wow e khublei ya u snem warim wei wow pdiang noh ya u snem thymme.
Ynne i miet da yoh u sakhi ya kiwa boon ki lehkmen ha kylleiñ ki dong wa ki dorbar chnong ha Jowai.
Em ki dorbar chnong kiwa da pynman da ka Bonfire næ ka thang diñ yonglang kam wow pynlut yei por chwa wow pdiang ya u snem thymme dei yooluti wow man u uwa miat uwa yoh i roi i paar i chait i khiah.
Da em ki dorbar kiwa da pynkup burom ya ki khynnah skur wa kiwa puræ ha kiwa boon ki kyrdan kiwa poi chakhmat ha ki eksamin yong ki.
Ki dorbar wa boon da yoh u sakhi ya kiwa rwai wa siaw ki chaad wa ha rukom na ki khynnah hadooh waheh.
Da em leh ki dorbar chnong kiwa da pynman da i chaad uiñ sarok kam wow yang ya katæ ka por kawa kyrpang.
Ha ka Balang Presbyterian Jowai daw pynman leh ya ka yaseiñ wa kyrpang wow pdiang ya u snem thymme.
Em leh ki dorbar kiwa pynphooh ya kani ka miet dei thang bomkala wa ha rukom chirup wa ki diñkum khian.
Discussion about this post