Ka 7 Wasa United waka Shillong Lajong daw yachem ki ha ka yalehke wow sdang ya ka 4th Meghalaya State League 2024 ka wow pynman ha Wahiajer Multi Sports Complex ha ka 26 tarik uni u bnai, wei neiliang ka Meghalaya Football Association ynne da pynlait ko leh ya ka Fixture.
Kini ki ar liang toh kiwa em ha ka Group E, wei ki yalehke kini daw pynman ha Wahiajer, West Jaiñtia Hills. Kam wow pynkynmoo wa ka 7 Wasa da jop ko ya ka MSL wa nyngkong dooh ha u Duyatra (Jan), 2018 katwa ka Lajong won da jop ko ha u snem 2019.
Kiwi ki Group daw sdang ki yalehke ki ha ka 28 tarik lait noh ka Group C wow pynman ha Tyrsad kiwa daw sdang ha ka 30 tarik. Ki yaleh ki Group daw pyndep ha ka 7 tarik u November.
Waroh da em 6 tylli ki Group deiwa em mar soo tylli iwa mut waroh da em 24 tylli ki Team kiwa man kam ki Top Team na ki District Association wa tipmit da ka MFA.
Ha uni u snem daw pynman leh ya ka yalehke Quarter Final iwa da phær na ki samoi wa dadep heiwa da psiah bait cha ka Semi Final.
Ki tarik wa ki thaw pynman ya ka Knockout Stage daw pynbna won da ka MFA hadien won.
Ka Rangdajied United FC toh kawa man kam ka Defending Champion deiwa jop ko ya ka Khliehmawlieh Youth Club ynnin u snem.
Ki Team wa em ha jar jiar ki Group wa ki thaw wow pynman ya ka yalehke man ki kamni:
Group A (Tura) – Chipakkore FC, Atong Matgrik FC, Pinggera Do’gisik FC, Lumsohkhlur S&SC
Group B (Mawkyrwat) – Mawten SC, Khliehmawlieh YC, Riangdo Youth S&CA, Sutnga SS&CC
Group C (Tyrsad) – Mawlum Tyrsad SC, Seven United SS&CC, Ladthadlaboh SC, Nangkiew Shaphrang Lumdiengngan SC
Group D (Khliehriat) – Iatyllilang Lumsehkot FC Raliang, Mulait United FC, Rangdajied United FC, Rymbai Skhenshynriah SC
Group E (Wahiajer) – 7 Wasa United S&CC, Shillong Lajong FC, Seinbhalang Shkentalang FC, Mawtari Myrdon SC
Group F (Shillong) – Mawlai SC, Seng Samla Mawmluh, Pynursla United YC, Patharkhmah SC
Discussion about this post