Ka KSU-EJHDU ynne hei yahkhmat u Streamly S Suchen kam u President deilang kiwi ki dkhot kam u Shaniahskhem Dkhar, u Deiniwan Lyngdoh wa u Donbok Mukhim da lai yachem ki ya u Fabregas Lyngdoh uwa man kam u Weightlifter napoh ka East Jaiñtia Hills yow kitbok kitrwiang ya oo hachwa wow lai chimbynta u cha ka 33rd National Sub Junior Classic and Equipped Bench Press Championship, kawa daw pynman ha Madgaon, Goa nadooh ka 14 hadooh ka 18 tarik uni u bnai wa da pynman da ka Powerlifting India.
U Fabregas Lyngdoh toh uwa na ka chnong Rymbai uwa da jooh chimbynta ha ka Meghalaya Games 2023 ha Tura wei kamjooh leh da chimbynta u ha ki bynta waphær waphær yong ki yakbob ka District wa State.
Neiliang ka seiñ sñiawkmen ko hadooh kattæ yow yoo wa ki khon ka Bri U Ynñiawtrep da sdang ki wow bna ha ki kaam yalehke waphær waphær deiwa kyrchaan kiwa ha-yung ha-sem.
Tangwa da ong wa cheiwon ka mynried ki khynroo kiwa em i sap i phong wow pynyoo cha ka pyrthai lada ka sorkar ym kyruiñ khmat ko cha ki khynroo khyllood yow wanrah burom ya ka jylla wa ka ri hi waroh kawi.
Discussion about this post