Khlaad noh uwa sikai wa paw naam ka jylla, daw wanrah yei met cha Shillong

U Brother Eric D’Souza, uwa man uwi na kiwa sikai wa pawnaam yong ka Christian Brothers, da khlaad noh u ynne ka sngi u Blai ha Goa hadien wa kjut chitom u da rap slem.

U Brother D’Souza da sikai u boon snem ha St. Edmund’s School, Shillong wei da wanrah u chiboon i kylla ha ka rukom hikai skur wa i rukom e i stat i tip cha ki khynnah ka jylla.

Hajrong i khlaad noh uni u stat pyrkhat uwa da e chiboon ha ka puræ puthi ka jylla, u Montri Rangbah, u Conrad Sangma uwa man leh uwi na ki khynnah skur wa da chah hikai ha u Brother D’Souza, da pynsñiaw u yei sñiawsih wa khroo yeini i khlaad noh uni uwa sikai wa maya wei uwa chlur.

U Conrad da ong u ini i khlaad noh u Brother Eric Steve D’Souza, uwa man uwa sikai wa maya uwa da e kti hei kaam sikai ya kiwa dooh wa rangli da man iwa sñiawsih. Kam u dkhot uwa bna bha ha ka seiñ Christian Brothers, u Brother D’Souza da chakri u chiboon snem ha St. Edmund’s School, Shillong, wei da ieh u yeiwa sahkynmoo wa khroo. Kam u bru uwa e kti hei maya, da seiñ u leh ya ka Providence School, kawa man kawa e kyrmen ya ki khynnah wa dooh wa duk.

Related posts

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

I sñiawngooh na ka manyung wa maad yei sñiawsih cha waroh kiwa da wan e yarap  

November 23, 2024

“To u ya kynmoo i ya u Brother D’Souza yow e kyrmen ya ka yung ka sem yong oo wa ya kiwa boon kiwa yajan wa oo lyngba i sikai wa i mynsien wyrai yong oo. E wa i mynsien yong oo u yoh i mynsien u chong-ngiah hei suk i saaiñ,” da ong u Conrad.

Kam wow kdaw heini, u Brother D’Souza da embynta u leh hei im u khloor ka Bollywood, u Shah Rukh Khan, ha i por wa u sikai u ha St. Columba’s School ha New Delhi, wei u Shah Rukh Khan leh da pynsñiaw u yei sñiawburom wa khroo ya u Brother D’souza.

Yei khlaad noh u Brother D’Souza da pynbna da u Brother Solomon Morris, uwa man u Principal wa katni yong ka St. Edmund’s School. U Brother Morris da pyntip u wa yeiwa dang sah u Brother D’Souza daw wanrah cha Shillong heiwa da thmu wow pyndep yei leh niam wa khaddooh ha ka 16 tarik uni u bnai.

I khlaad noh yong u Brorher D’Souza da man ko i dooh wa khroo ya ka skur St. Edmund’s wa ya kiwa boon kiwa da yoh myntoi nei hikai wa janai yong u Brother D’Souza.