Chah thang ki kari wei mih i kulmar hadien wa chah siat yap uwi heipor wa lai pynngam um Durga Puja

U bru wa 22 snem da khlaad noh u hadien wa chah siat ha ka sngi Bibar heipor wa lai pynngam um ya ka Blai Durga kam chibynta ka Puja iwa da jia ha Bahraich, Uttar Pradesh iwa da sdang du neidaw wa pynheh sur heipor wa lai paidbah deiwa rah yei dur ka Durga.

Kamwa 6 ngut kiwi da mynsoo ki deiwa chah dat moo heipor wa dang lai paidbah ha Mahrajganj Bazar ka chnong Mansoor.

Uwa chah siat toh uwa tip kam u Ram Gopal Mishra, uwa chong chnong ka Rehua Mansoor wei da chah siat u heipor wa dang lai lang u wa kiwi wei da khlaad noh u heipor wa dang chah sumaar u hapoh Hospital.

Hadien wa jia ini, da hap wow pyndam ya kiwi ki lai paidbah kam ha chnong Fakharpur wa kiwi de ki thaw.

Related posts

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

I sñiawngooh na ka manyung wa maad yei sñiawsih cha waroh kiwa da wan e yarap  

November 23, 2024

Tangwa neiliang u Chief Minister, u Yogi Adityanath da phah u ya ki bor District wa hap u pteiñ yei lai noh Blai wei wow ya kehlang wa ki seiñ niam yow pyntikna wa da ye wow pyndep heipor wa biang. Da phah u leh wow pynboon ya ki pulit ha ki thaw noh blai.

Hadien wa jia ini, da chah beh kreh chipor ki heh pulit ka Hardi Police Station wa Mahsi Outpost.

U Superintendent of Police (SP) da rai u leh wow pynchitom ya ki pulit neidaw wym em chimkhia ki wow yada yeini.

Hadien wa poor ka khubor wa yap u Ram Gopal Mishra, kiwa chong chnong da mih ki wow leh pynsih ya ki kari wei da thang ki leh ya ki kari ha yaaw Maharajganj iwa man i thaw wa jia ini wei ki dukan waroh da khang ki.

Ynnin ka sngi ki pulit da yoh ki wow kem ya 30 ngut ki bru wei da khang leh ya ka Internet ha Bahraich katwa ha Maharajganj wa joor bha ka kulmar da thylli ki luti ki syngkieñ deiwa pynman ki pulit ya ki Flag March.

I takit da chem wa ha ka sngi Bibar heipor wa pynman yei lai paidbah deiwa kit dur Blai yow lai pynngam um, manda poi ha i thaw wa sah ki Muslim, da em kiwa phah wow pynkhian yei sur wei da mih i yania wa joor bha iwa da wanrah yei kawang moo wei hadien da em wa siat ya u Ram Gopal Mishra.

Ha ka FIR wa da booh da u payu u Ram Gopal, da ong wa u diah u da chah rah u chapoh i yung yong u bru wa tip kam u Abdul Hameed heiwa da chah siat u boon kuli wei da kam u leh wa da chah dat u diah u da ka wait.

Ki paidbah nyngkong da khang ki wow thang yei metyap u Ram Gopal kat wym pu kem ya kiwa emkti wei da dawa leh wow pynyap ki tangwa deiwa kyrpaad ki bor sorkar, neiliang kiwa ha-yung ha-sem da pyndep ki ya ka niam ka rukom.

Ha iwon won i liang, da poor ki Video wa kam wa u Ram Gopal hi wa ku ha iwi i yung heiwa da taan pynhaap u ya ka lama Muslim heiwa da pynhær u da ka lama i rong umsoh ki Hindu.