Ya yung krehkaam ka District Social Welfare Officer (DSWO) Jowai da pynman ko ya ka yalang yow lehkmen ya ka sngi kyrpang kiwa da heh rta kawa tip kam ka International Day of Older Persons ha chnong Sohphoh, West Jaiñtia Hills District ha ka 14 tarik uni u bani.
Ya kani ka yalang da pynlai da u waheh chnong ka Sohpoh, u Mutshwa Thabah wei da yoh ya ki kyntien pdiang burom na u Secretary ka chnong.
Neiliang ka District Social Welfare Officer, ka Y. Najiar hawa e yei klam hajrong ka phang “Ageing with Dignity” da ban joor ko ya ki bynta wa kyrpang kiwa da heh rta ha ka imlang sahlang wei da ong ko leh wa kam ka yung ka sem da emkaam ki yei kyrchaan wei wow sumaar ya ki.
Neiliang u kongsan, u Damechwa Dhar, da ban joor u yeiwa emkaam u sumaar sukhær ya kiwa da heh rta wei wow pait bha yei chait i khiah ki yow ye ki wow im deiwa em burom.
Neiliang ka Dr. Y. Sumer, da pynchlur ko ya kiwa da heh rta wow lai mih cha ki Doctor dei langær neibhah i chait i khiah man ko ka spah.
Ha kani ka sngi neiliang u Dr. Sumer deilang wa ki bru yong oo da pynman ki ya ka Medical Examination neibynta kiwa da heh rta.
Neiliang ka yung krehkaam ka District Social Welfare da e sñiawbha ki cha kiwa da heh rta wei da yoh ya ki kyntien e khublei na u E.S. Kyndait, Dealing Assistant ka DSWO, Jowai.
Discussion about this post