Baam smai u Omar Abdullah kam u CM wa nyngkong ka Jammu & Kashmir UT

U Vice President ka National Conference, u Omar Abdullah ynne da chim smai u kam u Chief Minister wa nyngkong ka Jammu and Kashmir Union Territory.

Ya ini i baam smai da pynman ha Sher-i-Kashmir International Conference Centre (SKICC) ha Srinagar.

U Surinder Choudhary won da baam smai u kam u Deputy Chief Minister wei chirup wa oo da em 7 ngut ki MLA ka National Conference kiwa baam smai kam ki Minister.

Ha ka Election wa dang pyndep, ka National Conference da yoh ko 42 tylli ki Seat, ka BJP 29 tylli, ka Congress 6 tylli, ka PDP 3 tylli wei kiwi kiwa sah da lai cha kiwi wa kynthup ya 7 ngut ki kyrtong samen ha ka Assembly wa em 90 ngut ki MLA.

Kani ka Election toh ka sien wa nyngkong wa pynman nadooh wa pyndam ya ka Article 370 hapoh ka Jammu & Kashmir heiwa da pyndam leh yei man ko kam ka jylla deiwa pynkylla noh ka kam ka Union Territory.

U pa u Omar, u Farooq Abdulla dadep u wow man kam u CM ka J&K la le sien.

Related posts

Ha Nongpoh da sdang i kreh yei thaw noh jhep, neibynta ka Shillong dapoi cha HC, ya ka Jowai won da jied 3-4 tylli ki thaw

July 9, 2026

U thied thaw ka sorkar ha Thadmuthlong yow booh ya ka karkhana chirmit wa chongdor Rs.187 klur

July 9, 2026

Ya ini i pyn baam smai da yahkhmat da u Lieutenant Givernor ka Jammu and Kashmir, u Manoj Sinha.

U President ka Congress u Mallikarjun Kharge, u Leader of Opposition ha Lok Sabha, u Rahul Gandhi wa ka General Secretary ka Congress ka Priyanka Vadra da emlang ki wow sakhi ya ini i baam smai.